Raġel li ordna MacBook Pro minn kumpanija online rċieva żewġ kaxxi ikel tal-klieb tad-ditta Pedigree.
Il-konsumatur huwa Alan Wood ta’ 61 sena minn Derbyshire li ordna laptop biex jagħtih rigal lil bintu. Wood qal li għall-bidu l-kumpanija rrifjutat milli tagħtih il-flus lura, però issa jidher li l-kumpanija skużat ruħha u se jingħata flusu kollha lura.
Wood ikompli jgħid li ilu klijent ta’ din il-kumpanija għal dawn l-aħħar 20 sena u qatt ma kellu l-iċken problema meta xtara l-affarijiet minn hemm.
