Ġuvni ta’ 19-il sena ġie arrestat u qed ikun mixli li spara għal fuq tfajla u persuni oħra waqt li kien qed isir party f’dar qrib il-kampus tal-Università ta’ Kentucky, fl-Ingilterra.
Kif il-pulzija waslu fuq il-post, sabu li t-tfajla kienet intlaqtet minn arma tan-nar f’saqajha. Għaxar studenti oħra ttieħdu l-isptar fejn ġew iċċertifkati li sofrew ġrieħi ħfief. Huwa mifhum li l-istudenti li sfaw midruba, kollha jattendu f’din l-Università fejn kien qed isir dan il-party.
Skont l-investigazzjonijiet, irriżulta li l-ġuvni kien taħt l-infulwenza tal-alkoħol kif ukoll instabu wkoll żewġ armi tan-nar fuq il-post. Huwa sar ukoll agressiv tant li anke beżaq f’wiċċ l-uffiċjali li kienu qed ikellmuh.
Sadanittant il-pulizija qed tkompli tiġbor ix-xhieda sabiex jgħinu fl-investigazzjoni filwaqt li kompliet titlob l-għajnuna mill-pubbliku biex min ikollu xi informazzjoni ġdida jirraporta minnufih.
