Każ li qed jinvestigaw fl-Istati Uniti jikkonċerna omm ta’ 23 sena li allegatament welldet f’banju u mbagħad wara tefgħet it-tarbija mit-tielet sular għal isfel.
L-omm Sabita Dookram, ġiet arrestata minnufih u ttellgħet il-Qorti akkużata b’attentat ta’ qtil. It-tarbija baqgħet ħajja imma kienet f’kundizzjoni kritika. Kienet il-ġara tagħha li meta ħarġet biex toħroġ l-iskart semgħet il-krib u rat it-tarbija mal-art. “Mort nagħlaq il-grada u smajt il-biki”, qalet il-ġara lill-ġurnalisti.
Il-ġara waqt li bdiet tibki qalet li “it-tarbija ma kellhiet kutri jew xi ilbies ieħor. Hi ta’ qsim il-qalb taraha hekk”. Sa issa mhux magħruf kemm kien għadda ħin mindu twieldet it-tarbija u l-ħin li ommha abbandunata.
