George Russell se jibda mill-aħħar tal-grid fil-Grand Prix ta’ Singapore wara li ngħata penalita’ relatata mal-power unit tal-Mercedes tiegħu, minħabba li nqabeż il-limitu fuq diversi komponenti.
Il-penalitá waslet wara li Russell irtira mill-Grand Prix tal-Malasja meta kien fit-tielet post, ħames dawriet biss mit-tmiem, minħabba ħsara fil-magna.
Is-sewwieq Ingliż jinsab 84 punt taħt il-kollega tiegħu, it-Taljan Kimi Antonelli, fil-kampjonat tas-sewwieqa, meta fadal seba’ tiġrijiet oħra għat-tmiem.
Il-kap tat-team, Toto Wolff, qal li l-penalitá hija frustranti iżda l-Mercedes qed taħdem biex tifhem il-problemi tagħha.
Antonelli, li rebaħ l-aħħar tiġrija, kompla jsaħħaħ il-vantaġġ tiegħu u jinsab fit-triq biex jirbaħ l-ewwel kampjonat tiegħu.
