Il-midfielder ta’ Napoli, Scott McTominay, ingħata l-approvazzjoni biex jirritorna għall-azzjoni wara li għadda minn proċedura li tirregola t-taħbit fil-qalb, ħabbar il-club Taljan.
Il-player internazzjonali Skoċċiż ta’ 29 sena saritlu l-operazzjoni fi sptar f’Manchester f’Settembru, wara li ġie djanjostikat bi problema żgħira f’qalbu.
Wara testijiet mediċi oħra, McTominay ingħata l-permess biex jerġa’ jipprattika l-isport u rritorna għat-taħriġ ma’ Napoli. Għaldaqstant, issa jinsab għad-dispożizzjoni tal-coach Massimiliano Allegri.
McTominay ilu ma jilgħab mit-30 ta’ Awwissu u tilef it-telfa ta’ Napoli kontra Inter kif ukoll il-konfront taċ-Champions League kontra Arsenal. Napoli, li jinsabu fid-disa’ post fis-Serie A, jilqgħu lil Frosinone nhar is-Sibt.
