Swieqi United u St Andrew’s baqgħu b’punti massimi fil-klassifika tas-sezzjoni rispettiva tagħhom hekk kif intlagħbet ir-raba’ ġurnata tal-Maltese Cross Futsal Cup.
F’sezzjoni A, Swieqi għelbu lil Marsaskala 5-1 fil-logħba diretta għall-ewwel post. LiverMalt laħqu lill-Universita’ ta’ Malta b’sitt punti fil-klassifika wara li rebħulhom 5-2. Mill-banda l-oħra Col Magic ħadu walk-over ta’ 3-0 kontra Malta Matadors.
F’sezzjoni B, St Andrew’s komplew jirbħu wara skor ta’ 13-5 kontra AFC Super. Fit-tieni post hemm Ħamrun SC li għelbu lil Gżira SC 8-4 f’logħba ferm interessanti filwaqt li Santa Margherita kisbu t-tielet rebħa tat-turnament wara skor ta’ 12-8 kontra Blackbulls.
KLASSIFIKA – SEZZJONI A
Swieqi United 12, Marsaskala 9, University of Malta 6, LiverMalt 6, Col Magic 3, Matadors 0,
KLASSIFIKA – SEZZJONI B
St Andrew’s 12, Ħamrun 9, Santa Margherita 9, Gżira Utd SC AFC Super 3, Blackbulls 0.
