Illum, l-Prinċep William se jniedi għodda ġdida għall-prevenzjoni tas-suwiċidju fid-dinja tal-isport fil-Hill Dickinson Stadium ta’ Everton f’Liverpool, fl-okkażjoni tal-Jum Dinji għall-Prevenzjoni tas-Suwiċidju.
L-inizjattiva, bl-isem “On Your Side”, għandha l-għan li tgħin lill-komunità sportiva tipprevjeni s-suwiċidju permezz ta’ azzjonijiet konkreti.
Fost l-ambaxxaturi hemm Dame Kelly Holmes, Gabby Logan, Jill Scott, kif ukoll Sir Jason u Dame Laura Kenny.
L-għodda nħolqot b’kollaborazzjoni mal-British Standards Institution u l-karità Chasing the Stigma. Hija maħsuba biex tagħti lin-nies il-kunfidenza jagħrfu sinjali ta’ twissija, jibdew konversazzjonijiet ta’ appoġġ u jidderieġu lil persuni lejn l-għajnuna xierqa qabel ma tinqala’ kriżi.
Ir-riżorsa tista’ tintuża minn clubs lokali, akkademji u organizzazzjonijiet sportivi professjonali. Mhijiex immirata biss lejn l-atleti, iżda wkoll lejn coaches, voluntiera, familji u spettaturi.
Il-programm jiffoka fuq ambjenti siguri, prevenzjoni integrata fil-politika, edukazzjoni u proċeduri ċari għall-kriżijiet u l-appoġġ wara suwiċidju.
L-inizjattiva ssegwi t-twaqqif tan-National Suicide Prevention Network fl-2025, li rċieva aktar minn miljun lira.
