Hekk kif fadal tmint ijiem oħra għas-suq tat-trasferimenti tas-sajf fit-Turkija, Galatasaray mhux se jieqfu jixtru u wara li akkwistaw lil Victor Osimhen mingħand Napoli, jistgħu jmorru għal trasferiment ieħor drammatiku fejn qed jaħsbu biex jakkwistaw lil Casemiro mingħand Manchester United.
Casemiro hu plejer Brażiljan ta’ 32 sena b’esperjenza notevoli fil-futbol internazzjonali meta lagħab ma’ Sao Paulo, Real Madrid, Porto u riċentement Manchester United. Dawn tal-aħħar donnhom qatgħu qalbhom li l-plejer Brażiljan se jitlaqhom u qed isegwu l-profil tal-eks plejer ta’ Juventus u PSG Adrien Rabiot.
