Il-manager tal-Ingilterra Gareth Southgate kien f’kuntatt ma’ Harry Maguire biex jassigura lid-difensur ċentrali li hu jibqa’ figura ewlenija għat-team nazzjonali Ingliż.
Bħalissa Maguire jinsab barra mit-team ta’ Manchester United, bil-captain tal-club kostrett isegwi minn fuq il-bank minħabba l-wirjiet pożittivi ta’ Lisandro Martinez u Raphael Varane f’nofs id-difiża.
Il-player ta’ 29 sena ilu ma jidher mar-Red Devils mit-telfa ta’ 4-0 kontra Brentford fit-13 ta’ Awwissu, u qed jiffaċċja battalja għat-telgħa biex jirritorna fl-azzjoni fuq bażi regolari.
