Il-kowċ Taljan ta’ Valencia, Gennaro Gattuso, għamel ġest mill-isbaħ fi tmiem il-ġimgħa li għaddiet meta xtara rigal lil kull ħaddiem li hu impjegat u li jieħu ħsieb li Estadio Mestalla dejjem ikun fl-aqwa kundizzjoni possibbli.
Gattuso qal li sa minn meta kien żgħir, hu kien jifraħ b’kull rigal li kien jaqla’ u f’dawn iż-żminijiet ta’ festi ħaseb biex dan il-ferħ jgħaddih lil ħaddieħor.
L-eks plejer ta’ Milan ilu jmexxi lit-tim min-naħa t’isfel ta’ Spanja sa minn Ġunju 2022.
