Is-sodod fl-ITU se jiżdiedu b’44 sodda, total ta 125 sodda
Id-Deputat Prim Ministru u Ministru għas-Saħħa Chris Fearne, ħabbar li bħalissa għaddejjin l-aħħar preparamenti biex jiżdiedu 44 sodda oħra fit-taqsima tal-kura intensiva f’Mater Dei. Dan ifisser li t-total ta’ sodod issa se jkun qiegħed jitla’ għal 125 sodda.
Minkejja dan l-investiment u preparamenti bla preċedent fid-dawl tal-imxija tal-COVID-19, il-Viċi Prim Ministru appella lill-poplu Malti u Għawdxi biex ngħinuhom iżommu dawn is-sodod vojta.
