Il-konfront bejn Galatasaray u Fenerbahce fil-kampjonat Tork spiċċa f’kaos, hekk kif il-players u membri tal-istaff daħlu fi ġlieda kbira wara r-rebħa ta’ 2-1 ta’ Galatasaray fid-derby magħruf bħala l-Intercontinental Derby.
L-argumenti komplew wara s-suffara finali meta Matteo Guendouzi nvolva ruħu fi ġlieda ma’ membru tal-istaff ta’ Galatasaray.
Victor Osimhen skorja doppjetta fl-ewwel taqsima biex assigura r-rebħa, filwaqt li Irfan Can Kahveci naqqas id-distakk fis-62 minuta.
L-atmosfera kienet imqanqla mill-ewwel minuti tal-partita … biex imbagħad splodiet mas-suffara finali.
