Aktar kmieni dalgħodu l-Prim Ministru ħabbar li t-trakka tal-karozzi se tkun qiegħda titwettaq f’Ħal Far bi proġett ta’ €20 miljun.
B’reazzjoni għal din l-aħbar il-Kap tal-Oppożizzjoni u tal-PN Bernard Grech reġa’ qal li l-Gvern Laburista moħħu biss biex jikkopja l-proposti tal-Partit Nazzjonalista biex imbagħad jagħmilhom tiegħu.
F’post fuq il-paġna tiegħu ta’ facebook, Bernard Grech stqarr li l-Gvern reġa’ qajjem il-proposta tat-trakka tat-tlielaq tal-karozzi għax qorbot l-elezzjoni u sostna li hu diġà kkommetta ruħu dwarha u għaldaqstant kien qed jagħti l-kelma tiegħu li gvern ġdid nazzjonalista jwettaq din il-proposta.
