Aktar kmieni dagħlodu Membri mid-Dipartiment tal-Protezzjoni Ċivili kienu mitluba jintervjenu biex jikkontrollaw nirien fil-Mosta.
Il-Każ seħħ għall-ħabta tas-7:15 a.m fi Vjal l-Indipendenza meta għal xi raġuni, karozza tal-għamla Fiat Punto li kienet ipparkjata fl-imsemmija triq inħakmet minn nirien.
Minkejja li l-karozza sofriet ħsarat estensivi, fortunatament ħadd ma ndarab f’dan l-inċident.
L-investigazzjonijiet tal-Pulizija b’rabta ma’ dan il-każ għadhom għaddejjin.
