Raġel weġġa’ gravi wara li għall-ħabta tas-7:30 a.m kien involut f’inċident li seħħ fi Sqaq Ħabel Żwejra fin-Naxxar.
Minn stħarriġ illi sar irriżulta li ħaddiem kien inqabad bejn żewġ trakkijiet DAF wara li mar biex iċaqlaq wieħed minnhom.
Fuq il-post issejjaħ tim mediku u ambulanza li ħadet lir-raġel midrub lejn l-Isptar Mater Dei għal aktar kura.
Intalbet ukoll l-assistenza ta’ Membri mid-Dipartiment tal-Protezzjoni Ċivili.
L-investigazzjonijiet tal-Pulizija b’rabta ma’ dan il-każ għadhom għaddejjin.
