Ħaddiem weġġa’ gravi wara li għall-ħabta tad-9:00 a.m kien involut f’inċident fi stabbiliment li jinsab fi Triq il-Kbira San Ġużepp il-Ħamrun.
Minn stħarriġ illi sar irriżulta li raġel ta’ 49 sena residenti ż-Żurrieq kien sofra xi ġrieħi wara li waqa’ madwar sular minn fuq sellum.
Fil-post issejjaħ tim mediku u ambulanza li taw l-ewwel għajnuna sakemm il-ħaddiem seta’ jittieħed lejn l-Isptar għal aktar osservazzjoni medika.
Il-Pulizija għaddejja bl-investigazzjonijiet fuq il-każ.
