Il-winger ta’ Chelsea, Hakim Ziyech, jinsab f’taħditiet dwar trasferiment potenzjali fis-sajf ma’ AC Milan.
Il-player ta’ 29 sena tħabat biex isir player regolari fil-formazzjoni ta’ Thomas Tuchel fost kompetizzjoni minn Kai Havertz, Romelu Lukaku, Mason Mount, Timo Werner u Christian Pulisic.
Ziyech irnexxielu jsib ix-xibka tmien darbiet f’44 logħba fl-istaġun li għadda, kif ukoll ipprovda sitt assists, iżda beda biss 14-il partita tal-Premier League u kien sostitut mhux utilizzat fi 13-il partita oħra.
