Il-goalkeeper ta’ Hamrun Spartans, Henry Bonello, rebaħ it-titlu tal-LifeStar Most Valuable Player għal April.
Fil-ħames logħbiet tat-Top Six li ntlagħbu matul ix-xahar, Henry żamm erba’ clean sheets impressjonanti – kontra Birkirkara, Mosta, Floriana, u Marsaxlokk.
Huwa ngħata t-titlu ta’ MVP fid-draw ta’ mingħajr gowls ta’ Matchday 30 kontra Floriana u kiseb żewġ postijiet fit-Tim tal-Ġimgħa matul April.
Rikonoxximent mistħoqq sew għall-prestazzjonijiet eċċellenti tiegħu.
Il-premju ngħata lil Henry nhar it-Tnejn, qabel il-logħba tas-semi-finali kontra Floriana, mir-rappreżentant ta’ LifeStar Insurance, Chris Chetcuti.
Grazzi lil LifeStar Insurance għall-appoġġ kontinwu tagħhom matul l-istaġun, u prosit lil Henry Bonello!