It-tfajjel għannej li seraq il-qlub ta’ bosta persuni bit-tbissima u l-karattru ferrieħi tiegħu, llum għalaq tmien’ snin.
Lydon flimkien ma’ missieru kienu rebħu l-ewwel edizzjoni tal-Malta’s Got Talent wara li rnexxielhom jisirqu s-simpatija tal-poplu Malti u Għawdx bil-makjetti oriġinali tagħhom.
F’messaġġ fuq il-midja soċjali, missieru Jomike Agius awguralu l-isbaħ xewqat u filwaqt li ddikjara kemm hu kburi bih appellalu biex jibqa’ sejjer kif inhu u jibqa’ saqajh mal-art ħalli kulħadd jibqa’ jħobbu u jibqa’ “t-tifel bil-għaqal u bravu li hu”.
