Sunday, March 3, 2024

Identifikata l-vittma tal-omiċidju f’Tas-Sliema

… It-tieni omiċidju tas-sena

Aqra wkoll

Kien għall-ħabta tas-6:15 a.m meta l-Pulizija ġew informati li kien seħħ omiċidju fi Triq Sir George Borg f’Tas-Sliema.

Il-vittma hija Sandra Ramirez – mara Kolombjana ta’ 43 sena – u nstabet mejta fuq is-sodda tal-appartament li kienet tirrisjedi fih b’daqqiet ta’ sikkina.

Kelliem għall-Pulizija kkonferma li s-suspettat ewlieni huwa wkoll Kolombjan ta’ 43 sena ta ruħu b’idejh lill-Pulizija. Jidher saħansitra li r-raġel kellu traċċi ta’ demm fuqu meta mar biex jirrapporta.

Għaddejja wkoll investigazzjoni b’rabta mal-istatus taż-żewġ persuni f’pajjiżna u jekk teżistix xi tip ta’ relazzjoni bejniethom.

Minn aktar investigazzjoni li saret irriżulta li ż-żewġ persuni kienu qegħdin jirrisjedu pajjiżna b’mod legali. Jirriżulta wkoll li f’pajjiżna l-mara qatt ma rrappurtat dwar vjolenza domestika min-naħa tal-allegat aggressur.

Fuq il-post hemm numru ta’ uffiċjali minn taqsimiet differenti fi ħdan il-Korp tal-Pulizija.

Dwar dan il-każ mistennija tinfetaħ Inkjesta mill-Maġistrat tal-Għassa Leonard Caruana.

Aktar informazzjoni dalwaqt…

Ekonomija

Sport