Jordan Pickford se jkollu jitla’ l-qorti wara li nstab li saq b’mod traskurat bil-Lamborghini Urus tiegħu f’Knutsford, Cheshire, f’April li għadda.
Il-goalkeeper ta’ Everton u tal-Ingilterra allegatament injora t-traffic lights biex ħaddieħor ikun jista’ jgħaddi u kkawża lil żewġ sewwieqa jagħfsu l-brejkijiet biex jevitaw ħabta.
Wara dan, huwa telaq b’veloċità qawwija u ġie segwit minn karozza tal-pulizija bi dwal u sireni mixgħula.
F’ħin minnhom, l-uffiċjal kien qed isuq b’50mph f’żona fejn il-limitu kien ta’ 30mph, iżda Pickford baqa’ jżid id-distanza.
Eventwalment waqaf u ġie akkużat b’sewqan mingħajr ir-responsabbiltá u l-attenzjoni meħtieġa.
Pickford wieġeb ħati online u talab li jidher personalment fil-qorti biex jippreżenta l-mitigazzjoni tiegħu.
Huwa se jidher quddiem fil-Qorti tal-Maġistrati ta’ Chester, fis-7 ta’ Diċembru.
Sewqan bi traskuraġni jista’ jwassal għal tlieta sa disa’ punti jew sospensjoni mis-sewqan.
