Nhar il-Ħadd li ġej, 23 ta’ Frar 2020, il-Kunsill Lokali tal-Fgura ser jiċċelebra l-Karnival bi sfilati u spettaklu b’differenza fi Triq Ħompesch eżattament quddiem il-Bini tal-Kunsill Lokali bejn l-10.00 ta’ filgħodu u nofsinhar.
Għal din is-sena, il-Kunsill Lokali ser ikun qed jagħti dimensjoni ġdida, isbaħ u ikbar lil din l-attivita’ u għall-ewwel darba ser isir il-Ħadd filgħodu.
F’din l-attivita’, wieħed ser isib:
-Marċi karnivaleski mill-Għaqda Mużikali u Soċjali Madonna tal-Karmnu tal-Fgura
-Spettaklu u żfin minn Banda Brażiljana
-Żfin u sfilati minn numru ta’ skejjel taż-żfin lokali u anke Taljana
-Maskaruni grotteski
-Ċajt u daħk flimkien mad-Dulli u Veronica
-Illużjoni u Maġija
-Logħob għat-tfal
-Bouncing Castle
-Opportunita’ fejn tista tieħu b’xejn ritratt tal-okkażjoni.
-Tiżjin u Mużika Brijuża
-Stands ta’ ikel u xorb
Għalhekk, il-Kunsill Lokali tal-Fgura qed iħeġġeġ lir-residenti tal-Fgura kif ukoll lill-pubbliku inġenerali sabiex nhar il-Ħadd li ġej jiġu fit-triq prinċipali tal-Fgura sabiex flimkien nieħdu pjaċir u nagħmlu din l-attivita’ suċċess.
Din hija attivita’ oħra mħejjija mis-Sotto Kumitat Ambjent, Kultura u Wirt Storiku fi ħdan il-Kunsill Lokali tal-Fgura
