Kollaborazzjoni bejn il-Malta Football Association (MFA) u Project Green għandha l-għan li tħeġġeġ lill-klabbs tal-futbol biex jimplimentaw proġetti ambjentali. Dawn il-proġetti se jvarjaw minn ekoloġizzazzjoni u titjib tal-estetika taż-żoni madwar il-grawnds tal-futbol sa introduzzjoni ta’ prattiki sostenibbli bħall-konservazzjoni tal-ilma għat-tisqija.
Fil-preżenza tal-Ministru għall-Isport, Clifton Grima, u l-Ministru għall-Ambjent, Miriam Dalli, iż-żewġ entitajiet iffirmaw ftehim li jwitti t-triq għall-implimentazzjoni tal-iskema magħrufa bħala ‘Green Goal’, b’investiment ta’ kważi €530,000 minn Project Green. Il-ftehim jassigura kollaborazzjoni bejn Project Green u l-MFA għall-erba’ snin li ġejjin, biex aktar klabbs jingħataw l-opportunità li jibbenefikaw minn din l-inizjattiva.
Il-ftehim jinkludi wkoll xogħlijiet ta’ tisbiħ li Project Green se jwettaq fiċ-Ċentru Nazzjonali tal-Futbol f’Ta’ Qali u madwar il-Gozo Stadium.
“Permezz ta’ kollaborazzjonijiet ta’ dan it-tip, mhux biss qed ngħinu lill-għaqdiet sportivi jtejbu l-ispazji tagħhom, imma qed inressqu n-nies eqreb lejn l-ambjent f’postijiet li jservu ta’ spazji ta’ rikreazzjoni,” qalet il-Ministru Miriam Dalli.
“Il-klabbs sportivi madwar il-pajjiż jaqdu kemm rwol sportiv kif ukoll soċjali. Dan għaliex hemm eluf ta’ tfal u żgħażagħ, kif ukoll diversi membri oħra tas-soċjetà Maltija u Għawdxija, li b’xi mod jew ieħor huma involuti ma’ dawn l-għaqdiet sportivi. Dawn l-organizzazzjonijiet għandhom rwol importanti fl-iżvilupp ħolistiku tat-tfal tagħna. Permezz ta’ dan il-ftehim, qed naraw li Project Green jagħti l-kontribut tiegħu — flimkien mal-Malta Football Association u l-affiljati tagħha — biex jgħin biex jiġi żgurat l-iżvilupp sħiħ ta’ uliedna,” qal il-Ministru Clifton Grima.
Il-President tal-MFA Bjorn Vassallo stqarr: “Dawn huma inizjattivi eċitanti ħafna fejn l-Assoċjazzjoni, flimkien ma’ Project Green, se jkunu qed jaħdmu biex mhux biss isaħħu oqsma fi ħdan il-kumpless sportiv ta’ Ta’ Qali iżda wkoll, bis-saħħa ta’ diversi fondi u skemi, jipprovdu benefiċċji lill-klabbs membri tagħna madwar il-pajjiż kollu. Huwa ta’ pjaċir għall-Assoċjazzjoni li tkun parti minn proġetti li jippromwovu s-sostenibbiltà u jtejbu l-kwalità tal-ħajja tal-Proġett tal-Football tagħna fi ħdan il-Football tagħna. komunità.”
Il-Kap Eżekuttiv ta’ Project Green, Joseph Cuschieri, enfasizza li l-aġenzija qed timpenja ruħha b’mod attiv mal-komunità, u dan il-ftehim se jkompli jsaħħaħ il-kollaborazzjoni pubblika. Saħaq li qed isir aktar xogħol biex jiġu riġenerati spazji miftuħa, li jsiru aktar aċċessibbli għall-familji Maltin u Għawdxin.
L-iskema se tkun immexxija mill-MFA. Il-klabbs tal-futbol interessati li japplikaw għall-inizjattiva tal-Green Goal huma mistiedna jikkuntattjaw lill-Assoċjazzjoni fuq [email protected].
