Il-Ministru għall-Ambjent, l-Enerġija u r-Riġenerazzjoni tal-Port il-Kbir, Miriam Dalli, ħadet sehem u temmet il-kompetizzjoni ‘Deadly Dozen’ li saret fil-Kumpless Sportiv tal-Marsa nhar il-Ħadd li għadda, it-8 ta’ Novembru.
Il-partner tagħha, Jourdain Cardona, qalet li “ma setgħetx issib partner aħjar” għal din il-kompetizzjoni, hekk kif it-tnejn li huma “dejjem imbuttaw lil xulxin” biex imorru lil hinn mil-limiti tagħhom. Cardona esprimiet kemm hi “ferħana ħafna li qed nagħmlu dan flimkien,” filwaqt li rringrazzjat “lill-kowċ tagħna talli dejjem joħroġ l-aħjar fina!”
It-tnejn li huma ħadu sehem ukoll fl-ewwel tiġrija HYROX tagħhom fit-12 ta’ Settembru, u b’hekk din kienet kompetizzjoni oħra li temmew flimkien.
