Waqt attività politika minn Ħaż-Żebbuġ, il-Prim Ministru Robert Abela tkellem ukoll dwar l-istudenti u ż-żgħażagħ.
Rigward l-istipendji, il-Prim Ministru Robert Abela kkonferma li jekk il-poplu jogħġbu jerġa’ jagħti l-fiduċja lill-gvern Laburista se nkunu qegħdin nassistu għal żieda ta’ 15 fil-mija fl-istipendji. Huwa fakkar dwar il-kredibbiltà tal-gvern li fl-aħħar budget żied l-istipendji b’10 fil-mija.
Fakkar li l-gvern għażel li jibqa’ jippremja l-bżulija u b’hekk dawk l-istudenti li jaħdmu sa 25 siegħa fil-ġimgħa jżommu l-istipendju b’mod sħiħ.
