Friday, May 24, 2024

Il-President taċ-Ċina qed iżur l-Ewropa għall-ewwel darba f’ħames snin

Aqra wkoll

Meta l-President Ċiniż, Xi Jinping wasal l-Italja għal żjara statali lura għall-2019, ingħata merħba mill-aqwa, b’tours privati ​​ta’ postijiet familjari Rumani u ikla b’serenata mill-kantant ta’ l-opra Andrea Bocelli. Intant, ħames snin wara huwa se jkun qiegħed jirritorna fil-kontinent Ewropew, hekk kif inhu mistenni li jżur Franza.

F’kumment li ta lill-midja internazzjonali, Noah Barkin, Ġermaniż ibbażat f’Berlin qal li ċ-Ċina bħala pajjiż, dejjem titqies bħala teddida f’diversi aspetti kapitali Ewropej. Huwa qal li hemm diviżjonijiet fl-Ewropa li jridu jiġu ndirizzati malajr kemm jista’ jkun, fosthom fl-isferi ekonomiċi kif ukoll minn aspett ta’ sigurtà.

Iż-żjara tal-President Ċiniż mistennija tibda b’wieħed mill-aktar kritiċi ħorox. Dan hekk kif, huwa mistenni li jiltaqa’ mal-President tal-Kummissjoni Ewropea Ursula von der Leyen flimkien mal-President Franċiż Emmanuel Macron nhar it-Tnejn.

Fl-Unjoni Ewropea, Von der Leyen ta’ spiss tkellmet biex tneħħi r-riskju tal-ktajjen tal-provvista tagħha miċ-Ċina minħabba tħassib dwar l-iżgurar tat-teknoloġiji ewlenin tagħha.

Iċ-Ċina aktar kmieni din is-sena fetħet investigazzjoni dwar il-prezz tal-alkoħol, magħruf bħala brandy importat mill-Unjoni Ewropea f’mossa li tista’ tolqot lis-settur ta’ Franza.

Qed jiġi rrapurtat li fil-laqgħat tiegħu, Jinping x’aktarx se jkun qed jagħfas fuq il-messaġġ ta’ Beijing, dak ta’ tnaqqis ta’ riskju miċ-Ċina, li huwa perikoluż għall-Ewropa, filwaqt li jimbotta lura fuq it-tħassib Ewropew.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport