Il-president tal-Federazzjoni Franċiża tal-Football, Philippe Diallo, qed jitqies bħala kandidat possibbli biex jisfida lil Gianni Infantino għall-presidenza tal-FIFA fl-elezzjoni ta’ Marzu 2027.
Diallo qed jingħad li jista’ jkun il-kandidat preferut tal-UEFA wara li tentattivi biex jinstab eks player jew coach magħruf ma wasslux għal riżultat.
L-amministratur Franċiż ta’ 62 sena kien kritiku fil-konfront ta’ Infantino, fejn akkużah li qed jagħmel ħsara lill-immaġni u lill-għaqda tal-football dinji.
Il-kandidatura tiegħu tista’ tikseb l-appoġġ ta’ diversi federazzjonijiet Ewropej u pajjiżi Afrikani li jitkellmu bil-Franċiż.
Il-kandidati jridu jiksbu n-nomina ta’ mill-inqas ħames federazzjonijiet membri tal-FIFA sal-18 ta’ Novembru.
L-elezzjoni se ssir fit-18 ta’ Marzu 2027 f’Rabat, il-Marokk. Infantino ilu jmexxi l-FIFA mill-2016.




