Il-President tal-Irlanda Michael D. Higgins għada se jibda Żjara Statali ta’ tlett ijiem f’Malta.
Matulha l-President tal-Irlanda, li se jkun akkumpanjat minn martu Sabina, se jkollu taħditiet mal-President ta’ Malta George Vella.
Il-President tal-Irlanda mistenni jkollu wkoll laqgħat mal-Prim Ministru Robert Abela, mal-Ispeaker tal-Kamra tad-Deputati Anġlu Farrugia, u mal-Kap tal-Oppożizzjoni Bernard Grech.
Huwa mistenni jżur ukoll diversi postijiet storiċi u kulturali f’Malta.
