Tfajla ta’ 29 sena ma nstabitx ħatja li weġġgħet tfajla oħra b’daqqa ta’ tazza f’Paceville. Fil-Qorti intqal li l-każ imur lura għal 11-il sena ilu. Il-vittma, li xehdet filQorti spjegat. kif darba kienet bilqegħda f’bar f’Paceville u li f’ħin minnhom xi ħadd garala tazza tal-ħġieġ għal rasha.
Kompliet tgħid li għalkemm ma kintix taf eżatt ġara, kien hemm xi ħbieb li kienu qegħdin magħha u qalulha li kellha ħafna demm. Qalet li wara li seħħ l-allegat inċident, rat tifla tiġri u tidħol f’karozza.
Fil-Qorti, il-vittma indikat li l-persuna li waddbet it-tazza kienet l-imputata u żiedet tgħid li rnexxielha tidenifikaha mminħabba li ħabib tagħha li daknhar tal-inċident kien fuq il-post, kien taha d-dettalji ta’ min hi għax kien jafha.
Fil-Qorti, xehdu wkoll sħab il-vittma, fejn waħda minnhom qalet li rat mara taqbad tazza u tkissirha fuq ras seħbitha. Stqarret li madankollu ma setgħetx tagħraf min hi minħabba li dak il-ħin li seħħ l-inċident kienet xurbana.
Xhud oħra qalet li l-vittma kienet qed tibgħat xi messaġġi lil għarus tal-imputata. Bħax-xhud ta’ qabel, lanqas identifikat lill-imputata bħala t-tfajla li waddbitilha t-tazza.
Il-Qorti, semgħet xhieda ta’ tabib, li qal li l-vittma kienet qed issofrii minn ġrieħi ħfief u mhux dwak ta’ natura gravi. Il-Maġistrat innutat li l-ebda xhud ma ra lill-imputata tagħti daqqa lill-vittma jew saħansitra li kienet qegħda fl-istabbiliment.
Wara li semgħet is-sottomissjonijiet, il-Qorti, ippreseduta mill-Maġistrat Yana Micallef Stafrace ma sabitx lill-imputata ħatja u lliberata minn kull ħtija.