Il-Qorti dalgħodu ċaħdet mandat ta’ inibizzjoni li kien intavolat minn BirdLife Malta biex ma ssir l-ebda diskussjoni fil-Kumitata Ornis fir-rigward tal-kaċċa fir-rebbiegħa għall-gamiem.
Ħabbar dan il-Ministru għal Għawdex u l-Ippjanar Clint Camilleri permezz ta’ post fuq il-midja soċjali. Il-Ministru qal li “għalhekk nistenna l-eżitu tad-dikussjoni dwar is-suġġett fil-Kumitat Ornis li nfurmat li se jkun qiegħed jiltaqa’ iktar tard illum sabiex sussegwement il-Gvern ikun qiegħed jieħu d-deċiżżjoni finali dwar il-ftuħ tal-kaċċa tal-gamiema u s-summiena fir-rebbiegħa.”
Hu temm billi rringrazzja lit-tim legali kollu li ddefenda lill-Gvern u l-interessi tal-kaċċaturi.