L-avukat Pio Valletta ġie ordnat sabiex iħallas is-somma ta’ €300,000 lil eks klijenta tiegħu u armla ta’ oligarka mill-Kazakhstan.
Dan hekk kif il-Qorti tal-Appell iddeċidiet li huwa naqas milli jirrispetta t-termini marbuta ma’ ħlas lura ta’ flus li ngħad li kien approprja mingħajr ma kienet taf.
Il-Qorti tal-Appell preseduta mill-Prim Imħallef Mark Chetcuti u l-Imħallfin Joseph R. Micallef u Tonio Mallia, ikkonfermaw dak li qalet l-ewwel Qorti fejn Dr Valletta kien ordnat sabiex iħallas lil Elnara Shorazova, armla ta’ Rakhat Aliyev.
