Il-UEFA kkonfermat li ħlas ta’ trasferiment jista’ jinfirex biss fuq massimu ta’ ħames snin ta’ kuntratt inizjali ta’ player.
Ir-regolament il-ġdid, li jidħol fis-seħħ fl-1 ta’ Lulju, isegwi x-xejra tal-avvenimenti reċenti ta’ Chelsea li jiffirmaw players b’kuntratti fit-tul.
Numru ta’ players ġew iffirmati għal ftehimiet bħal dawn b’Enzo Fernandez u Mykhailo Mudryk jingħaqdu b’kuntratti ta’ tmien snin u nofs f’Jannar.
Ir-regoli l-ġodda mhux se japplikaw retroattivament għat-trasferimenti.
Preċedentement aktar ma kien itwal kuntratt, iżgħar kienu jiġu rreġistrati l-ħlasijiet annwali fil-kontijiet tal-club. Għalhekk l-iffirmar ta’ £89 miljun ta’ Mudryk se jkun stmat għal £11-il miljun fis-sena matul il-kors tal-kuntratt tiegħu.
Il-clubs xorta se jkunu jistgħu joffru offerti itwal skond ir-regoli tal-assoċjazzjoni nazzjonali, iżda mhux se jkunu jistgħu jtawlu l-miżati tat-trasferimenti lil hinn mill-ewwel ħames snin.
Jistgħu jferrxu l-ispiża fuq estensjoni tal-kuntratt, iżda l-estensjoni ma tistax tkun aktar minn ħames snin.
Il-UEFA qalet li r-regoli l-ġodda se jiżguraw “trattament ugwali tal-clubs kollha u jtejbu s-sostenibbiltà finanzjarja”.
