“Illum ilek 3 snin għażiż ibni li ħallejni. Kull sekonda naħseb fik, kemm nixtieq narak u nisma’ lehnek tgħidli; “Ma”. Il-ħajja iebsa wisq mingħajrek m’għadniex li kont. Inti dejjem f’qalbi nitlob għalik kulljum, inħobbok ommok. Striħ fis-sliem għażiż ibni”.
Dan kien il-messaġġ li wasslet Elizabeth Azzopardi fuq Facebook, hekk kif sellmet il-memorja ta’ binha Robert, li bħal-lum tliet snin, tilef ħajtu wara li fl-4 ta’ Marzu tal-2022 kien involut f’inċident tat-traffiku fi Triq Bieb ir-Ruwa fil-Baħrija, limiti tar-Rabat.
