Illum jitfakkar il-jum dinji tar-radju bħala mezz ta’ komunikazzjoni u xandir. Din il-ġurnata ġiet imwaqqfa biex tiċċelebra s-saħħa li għandu r-radju li bidel ħajjet in-nies, li għaqqad lil poplu u li għal ċertu individwi li jkunu waħedhom, dan ikun ta’ kumpanija kbira.
Din hija ġurnata li kienet immarkata għal-ewwel darba mill-UNESCO fl-2011. Imbagħad kienet adottata mill-Assemblea Ġenerali tal-Ġnus Magħquda sena wara.
Ir-radju jiċċelebra d-diversità tal-bniedem u jwassal leħen il-poplu. Huwa mezz li jiżgura it-twettiq tal-prinċipji tad-demokrazjija.
