Minn MELVIN FARRUGIA
Il-Kummissarju Ewropew għall-Ġustizzja, Didier Reynders laqa’ b’mod tajjeb id-djalogu kontinwu li qed ikun hemm bejn il-Gvern Malti u l-Kummissjoni Venezja.
Fi Tweet, Reynders qal li jilqa’ dan id-djalodu kontinwu mal-Kummissjoni Venezja dwar ir-riformi fil-qasam tal-ġustizzja u l-emendi kostituzzjonali. Hu inkoraġġixxa lill-Ministru għall-Ġustizzja, Edward Zammit Lewis biex ikompli b’dan ix-xogħol hekk importanti.
I welcome #Malta’s ?? continuing dialogue with @coe Venice Commission on justice reform and constitutional amendments. I encourage Minister of Justice @ZammitLewisEdw to carry-on with this important work #RuleOfLaw ?? @EU_Commission @EU_Justice
— didier reynders (@dreynders) June 29, 2020
Min-naħa tiegħu, il-Ministru Zammit Lewis qal li jinsab kuntent li l-Kummissarju Ewropew għall-Ġustizzja qed jirrikonoxxi u jfaħħar ix-xogħol li wettaq il-Gvern dwar riformi li mexxa hu bħala l-Ministru responsabbli minn dan is-settur.
Zammit Lewis qal li dan hu ċertifikat ieħor għall-Gvern Malti. Intant, f’intervista ma’ inewsmalta, il-Ministru qal li dawn l-abbozzi tal-liġijiet mistennija jitressqu fil-Parlament matul din il-ġimgħa.
