Ftit tal-ħin ilu tħabbret il-mewt ta’ Dun Raymond Cassar, saċerdot maħbub ħafna miż-Żurrieq.
Ftit tax-xhur ilu Dun Raymond kien spiċċa f’nofs kontroversja minħabba li waqt quddiesa beda “jgerger” u “jirrabja” filwaqt li nstema jgħid “Jien il-President”.
Il-filmat tiegħu kienu rawh bl-eluf fejn kien hemm min ikkritikah u daħak bih, iżda kien hemm min faħħru għax tkellem kif tkellem. Ma setax jonqos li dak li qal kien saħansitra spiċċa jindaqq fil-Karnival spontanju tan-Nadur.
Persuni li tkellmu ma’ dan is-sit qalu li Dun Raymond kien qassis eżemplari ħafna u kien iservi ż-Żurrieq fin-Nigret.
Id-dettalji tal-funeral tiegħu se jkunu qegħdin jitħabbru fis-sigħat li ġejjin.
