Gigi Riva, l-aqwa skorer ta’ kull żmien tal-Italja, miet fl-età ta’ 79 sena.
Riva ta’ 79 sena kien iddaħħal l-isptar fit-taqsima tal-Kardjoloġija fl-Isptar Brotzu f’Cagliari nhar it-Tnejn wara li waqa’ f’daru. L-isptar ħareġ aġġornament wara nofsinhar, u qal li l-kundizzjoni ta’ Riva kienet qed ‘titjieb’.
L-aħbar ħarġet sekondi qabel il-kick-off tal-Finali tas-Supercoppa Taljana bejn Inter u Napoli f’Ryadh u kien għalhekk li ma nżammitx minuta silenzju.
Il-klabbs tas-Serie A se jonoraw lill-attakkant leġġendarju Azzurri fir-rawnd tal-kampjonat li jmiss.
Riva huwa l-aqwa skorer ta’ kull żmien tal-Italja b’35 gowl fi 42 logħba mal-Azzurri.
