L-Arċisqof Desmond Tutu, ir-rebbieħ tal-Premju Nobel għall-Paċi li għen biex jintemm l-apartheid fl-Afrika t’Isfel, miet fl-età ta’ 90 sena.
Il-mewt tiegħu ġiet ikkonfermata fi stqarrija mill-President Cyril Ramaphosa li ddeskriva lill-Arċisqof Tutu bħala “mexxej spiritwali magħruf, attivist kontra l-apartheid u attivist globali għad-drittijiet tal-bniedem.”
Tutu kien ingħata l-Premju Nobel fl-1984 għar-rwol tiegħu bħala figura ta’ għaqda fil-kampanja sabiex tissolva l-problema tal-apartheid fl-Afrika t’Isfel.
Il-mewt tiegħu seħħet ġimgħat biss wara dik tal-aħħar president tal-era tal-apartheid tal-Afrika t’Isfel, FW de Clerk, li miet fl-età ta’ 85 sena.
