Koppja miżżewġa għal aktar minn 40 sena mietu jżommu id xulxin ftit sekondi bogħod minn xulxin.
William Stewart ta’ 73 sena u martu Carol ta’ 69 sena minn New Hamshire sfaw infettati bil-Covid-19 u kellhom jiddaħħlu l-Isptar għall-kura. Sfortunatament il-kundizzjoni tagħhom kompliet tiggrava u skont rapporti huma mietu fi sptar f’Salem fit-30 ta’ Diċembru li għadda.
In-neputi taż-żewġ anzjani ħabbar dwar il-mewt tagħhom u qal li huma mietu jżommu id xulxin fid-9.12 p.m wara ġlieda kontra l-virus fejn saħansitra kellhom bżonn l-ossiġnu minħabba l-istat li spiċċaw fih.
Ir-raġel kien ilu fuq il-magni għal tmint ijiem filwaqt li martu kien ilha ġimagħtejn. Fl-aħħar jum il-professjonisti ndunaw li għaż-żewġt anzjani l-ħajja kienet kwistjoni ta’ sigħat u għalhekk l-ulied għażlu li jitrassferuhom fl-istess sala. Meta binthom għenithom jingħaqdu id f’id, l-anzjan ħa l-aħħar nifs twil u miet. Martu mietet biss madwar 10 sekondi wara.
