Inter qed ifittxu plejers ġodda sabiex isaħħu d-difiża tagħhom. Fil-fatt id-diriġenti Nerazzurri qed jevalwaw żewġ plejers li jistgħu jilbsu l-flokk iswed u ikħal tat-tim u dawn huma Rodrigo Becao ta’ Udinese u Evan N’Dicka ta’ Eintracht Frankfurt.
Il-valur ta’ Becao żdied xi ftit f’dawn l-aħħar xhur wara l-wirjiet tajba li qed jagħmel mal-Friulani filwaqt li iktar jidher possibbli t-trasferimenti ta’ N’Dicka li jinsab fl-aħħar xhur tiegħu tal-kuntratt mat-tim Ġermaniż.
Jidher saħansitra li l-plejer Franċiż jista’ jiċċaqlaq f’Jannar ladarba l-plejer ta’ Inter Robin Gosens jiċċaqlaq waqt is-suq tat-trasferimenti ta’ Jannar.
