Ir-Reġina mhijiex se tattendi għall-attivitajiet ta’ Jum it-Tifkira f’Cenotaph f’Londra minħabba li weġġgħet daharha.
Fi stqarrija maħruġa minn Buckingham Palace intqal li r-Reġina, fl-età ta’ 95 sena tinsab verament diżappuntata li se jkollha taqbeż din l-attività. Dan wara li aktar kmieni, fi stqarrija separata ntqal li hi kienet determinata li tattendi wara xi ġranet ta’ mistrieħ minħabba raġunijiet ta’ saħħa.
Fit-tqegħid tal-kuruni, il-Prinċep ta’ Wales se jkun qiegħed ipoġġi l-kuruna f’isem ir-Reġina.
