Bosta Siġġiwin qamu maħsuda hekk kif dalgħodu ngħatat l-aħbar li ħalla din id-dinja George Agius, magħruf bħala ċ-Ċimblu. Huwa kien il-President tal-Għaqda tan-Nar San Nikola.
Din l-aħbar ingħatat mill-Għaqda tan-Nar San Nikola li permezz ta’ messaġġ fuq il-midja soċjali ddeskrivewh bħala bniedem eżemplari u ħabbrieki li kulħadd se jħoss it-telfa tiegħu.
Huma rringrazzjaw lil George għal dawn is-snin kollha li ta kontribut lill-Għaqda. Iddeskrivewh ukoll bħala bniedem li dejjem kien bi tbissima u li kellu kariżma kbira.
Il-funeral tiegħu se jsir għada fl-4.00p.m. fil-Knisja Arċipretali tas-Siġġiewi.
