Raġel sofra ġrieħi gravi wara li kien involut f’inċident fuq il-post tax-xogħol. L-inċident seħħ ilbieraħ għall-ħabta tas-2.00 p.m. fi Triq il-Port f’Marsalforn.
Mill-ewwel stħarriġ tal-Pulizija jirriżulta li r-raġel weġġa’ meta ntlaqat minn oġġett iebes waqt li kien qed jagħmel xi xogħol fuq makkinarju tal-kostruzzjoni.
Ir-raġel ittieħed l-Isptar għall-kura fejn aktar tard kien iċċertifikat li kien qed isofri minn ġrieħi gravi.