It-Talibani ħabbru gvern proviżorju fl-Afganistan u ddikjaraw il-pajjiż bħala “Emirat Iżlamiku”.
Dan il-gvern se jkun immexxi minn Mullah Mohammad Hassan Akhund; wieħed mill-fundaturi talmoviment li jinsab fuq il-lista s-sewda tan-Nazzjonijiet Uniti.
Il-Ministru għall-Intern se jkun il-mexxej tal-militanti tal-grupp Haqqani; bniedem imfittex mill-FBI.
It-Talibani ħadu l-kontroll tal-biċċa l-kbira tal-pajjiż fil-15 t’Awwissu li għadda.
It-tħabbir ta’ dan il-Kabinett Proviżorju huwa pass kruċjali lejn il-formazzjoni tal-gvern Taliban.
Aktar qabel it-Talibani qalu li riedu jiffurmaw gvern inklussiv, iżda l-Kabinett mħabbar illum huwa ffurmat minn mexxejja Talibani magħrufa.
Il-Prim Ministru l-ġdid kien iservi bħala Deputat Ministru għall-Affarijiet Barranin bejn l-1996 u l-2001; l-aħħar perjodu tat-Talibani fit-Tmexxija.
