Saturday, November 26, 2022

It-team nazzjonali ta’ Taħt il-21 sena jtemm is-sena fuq nota pożittiva

Aqra wkoll

Malta …………..2

Andorra ………1

It-team nazzjonali Malti ta’ taħt il-21 sena temm is-sena kalendarja fuq nota pożittiva, meta għeleb lil Andorra bl-iskor ta’ 2-1 f’partita ta’ ħbiberija li ntlagħbet fis-Centenary Stadium f’Ta’ Qali.

Kienet rebħa mistħoqqa għat-team immexxi minn Gilbert Agius, li beda l-partita bil-qawwa, u sfrutta l-ftit okkażjonijiet li ġew f’idejhom. Il-partita kienet influwenzata mir-riħ qawwi li ħakem Ta’ Qali, li għamilha diffiċli għaż-żewġ naħat biex jilħqu l-għanijiet tagħhom.

Fil-formazzjoni inizjali kien hemm post għad-difensur ta’ Sliema Wanderers, James Vella, filwaqt li tard fil-partita, il-midfielder ta’ 18-il sena ta’ Melita, Nick Cutajar, iddebutta wkoll mat-tim Malti. F’nofs id-difiża, Owen Spiteri, ta’ Floriana irritorna wara assenza ta’ aktar minn sena.

Minkejja li lagħbu kontra riħ qawwi, il-Maltin ħarġu tajjeb meta xutt bid-dawra ta’ Kean Leonardi wara biss żewġ minuti minn azzjoni ta’ corner stampa mal-mimduda. Fil-21 minuta, Malta marru fil-vantaġġ grazzi għall-goal ta’ MATTIA VESELJI, li minn tarf il-kaxxa għeleb lill-goalkeeper ta’ Andorran, Mauro Rabelo. Tmien minuti wara, xutt ta’ Nikolai Micallef ġie salvat tajjeb mill-istess Rabelo.

Andorra bdew isibu saqajhom bil-mod il-mod u ġabu l-iskor indaqs fit-42 minuta grazzi għal sforz individwali tal-captain ERIC DE LAS HERAS, li avvanza fil-kaxxa u għeleb lil Matthias Debono b’xutt b’saħħtu għas-saqaf tax-xibka.

L-ewwel 15-il minuta wara l-mistrieħ kienu fil-biċċa l-kbira ddominati minn Andorra, li fil-bidu wrew l-ideat aħjar iżda b’xi mod rari inkwetaw lill-goalkeeper Malti, Debono.

Malta skurjat il-goal deċiżiv fis-70 minuta meta ANDREA ZAMMIT kien pront u approfitta mill-fatt li d-difiża ta’ Andorra naqset milli tikklerja l-ballun u minn pożizzjoni ideali, tefa’ ġewwa. Andorra ma rnexxielhomx iwettqu reazzjoni qawwija hekk kif il-Maltin baqgħu jiddettaw il-partita sal-aħħar, biex finalment ħarġu meritatament rebbieħa.

Malta: Matthias Debono, Zean Leonardi, Owen Spiteri, James Vella (Karl Mohnani 63), Nikolai Micallef (Kurt Briffa 63), Matthew Debattista (Nathan Agius 63), Kurt Bondin, Aleandro Garzia, Dale Mifsud (Gianluca Sciberras 63), Andrea Zammit ( Nick Cutajar 84), Mattia Veselji (Jamie Carbone 90)

Kowċ: Gilbert Agius

Andorra: Mauro Rabelo (Marc De Castro 46), Marco Robinat (Guillem Acosta 46), Eric De Las Heras (Daniel Cerqueira 71), Iker Alvarez (Marc Rodriguez 63), Ian Oliveira (Daniel Bienert 63), Pau Silva (Aron Rodrigo 46) , Nil Linares, Alex Ferreira, Biel Borra Font (Joel Roma 63), Gerrard Sola (Eric Balastegui 46), Pau Babot.

Kowċ: Eloy Casals

Referee: Alex Johnson (Malta)

Skorers: M. Veselji 21, A. Zammit 70 (M), E. De Las Heras 42 (A)

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport