Wednesday, January 19, 2022

It-tennista Johanna Konta tirtira

Aqra wkoll

L-eks numru erbgħa tal-Brittanja, Johanna Konta (ritratt), 30 sena, ħabbret li rtirat mit-tennis professjonali. Hija waslet sas- semi-finali ta’ Wimbledon fl-2017 – l-ewwel mara Ingliża li kisbet din il-bravura f’39 sena.

Hija għamlet ukoll l-aħħar erbgħa fl-Australian Open l-2016 u l-French Open fl-2019, filwaqt li l-aħjar riżultat tagħha fil-US Open kienet il-mixja sal-kwarti-finali fl-2019.

“Għalija, huwa biss li npoġġi l-benesseri emozzjonali, mentali, fiżiku tiegħi fil-pożiz­zjoni li npoġġi dik l-enerġija u x-xogħol biex inkun kapaċi nagħmel dan. Hija dik ir-rabta li tkun kapaċi tikkonvinċi lilek innifsek biex tkun fl-uġigħ,” hi qalet lil WTA Insider.

Imwielda minn ġenituri Ungeriżi fl-Awstralja qabel ma marret fir-Renju Unit ta’ 14-il sena, Konta qalbet il-lealtà tagħha fl-2012 u kompliet saret l-aktar player femminili Britannika li kisbet suċċess tal-ġenerazzjoni tagħha.

F’karriera impressjonanti, Konta kisbet għadd ta’ kisbiet li ebda mara oħra mill-pajjiż ma kienet kisbet għal aktar minn 30 sena.

Konta ħabbret l-irtirar tagħha fuq il-midja soċjali, u qalet li hija “grata” għall-karriera li kellha.

Artiklu preċedentiNapoli miżmuma minn Sassuolo
Artiklu li jmissUnapologetically Her

Sport