Fl-aħħar sigħat, uffiċjali tal-Pulizija bdew iqassmu ċertifikati ffirmati mill-Aġent Kummissarju b’turija ta’ apprezzament lit-tfal li bagħtu t-tpenġijiet tagħhom.
Jidher li f’din il-ġurnata impenjattiva, l-uffiċjali rnexxielhom jaslu għand madwar nofs it-tfal kollha li bagħtu t-tpenġijiet tagħhom.
Fuq il-midja soċjali l-Pulizija stqarret li dawn it-tpenġijiet ħolqu tbissima fuq fomm bosta uffiċjali tagħha, dan hekk kif bħalissa l-impenji tal-Pulizija żdiedu minħabba l-imxija tal-Cononavirus.
Mhux biss, waħda mill-ġenituri ta’ dawn it-tfal stqarret li dan il-ġest kien ifisser ħafna għat-tfal li issa ilhom ġimgħat imsakkrin ġewwa bħala prekawzjoni kontra t-tixrid ta’ dan il-virus.
