Nhar is-Sibt 29 t’Ottubru, diversi sqaqien ġewwa ż-żona tal-Biċċieni f’Ħaż-Żabbar se jkunu qed jieħdu xeħta differenti, hekk kif MMG Promotions se tkun qed torganizza t-tieni edizzjoni ta’ Żabbar Halloween Lantern Festival.
Din l-attività se tkun komposta minn attivitajiet varji għall-familja kollha, fejn fost l-oħrajn se jkun hemm diversi logħob għat-tfal, attivitajiet fl-isqaqien, ċinema li turi diversi filmati u films għal etajiet varji, kif wkoll divertiment kontinwu għal dawk kollha li jattendu. Apparti dawn l-attivitajiet, l-isqaq prinċipali se jkun qed jissaqqaf b’diversi fanali ta’ lwien differenti, li żgur se jkun qed joħloq atmosfera unika f’din iż-żona.
Din l-attività, li qed issir b’kollaborazzjoni ma’ Visit Malta u l-Kunsill Lokali ta’ Ħaż-Żabbar, se tkun qed tibda mis-6 ‘l quddiem. Għal aktar informazzjoni, wieħed jista’ jżur https://www.facebook.com/mmgpromotionszabbar .
