L-attakkant Ingliż Ivan Toney wieġeb li mhux ħati għall-akkuża li aggredixxa lil Saber Da Silva f’nightclub f’Soho, Londra, fis-6 ta’ Diċembru.
Il-player ta’ 30 sena huwa akkużat li ta daqqa ta’ ras u daqqa ta’ ponn lil dan ir-raġel.
Fil-Westminster Magistrates’ Court, Toney għażel li l-każ tiegħu jinstema’ quddiem il-Crown Court, quddiem imħallef u ġurija. Huwa ngħata l-ħelsien fuq garanzija mingħajr kundizzjonijiet sakemm jerġa’ jidher quddiem is-Southwark Crown Court fid-29 ta’ Ottubru.
Toney lagħab 10 partiti mal-Ingilterra u kien fl-iskwadra li waslet sal-finali tal-Euro 2024. Bħalissa huwa jilgħab ma’ Al-Ahli fl-Arabja Sawdija.
