Wiċċ ġdid ieħor fil-Partit Nazzjonalista hija Rebekah Cilia li ġiet eletta fl-elezzjoni każwali fuq is-seba’ distrett f’isem il-Partit Nazzjonalista.
Fl-ewwel reazzjoni tagħha Rebekah Cilia qalet li personalment tinsab verament kuntenta li ġiet eletta fl-ewwel elezzjoni ġenerali li kkontestat għaliha.
Mistoqsija rigward il-prijoritajiet tagħha, Cilia qalet li hemm ħafna setturi li tixtieq taħdem fuqhom, iżda l-aktar ħaġa importanti hija li l-Partit Nazzjonalista joffri Oppożizzjoni b’saħħitha biex pajjiżna jkun jista’ jimxi ‘l quddiem.
